ნინო გურევიჩი თბილისში მუსიკოსთა ოჯახში დაიბადა. დედა - ლალი ბაბუციძე მუსიკისმცოდნე გახლდათ, მამა - ვილი გურევიჩი დირიჟორი, მუსიკისმცოდნე, სახელმწიფოკონსერვატორიის მუსიკისმცოდნეობისა და საკომპოზიტორო განყოფილების დეკანი.
ნინო 6 წლის ასაკში მიიღეს მუსიკალურ ათწლედში პროფესორ ედიშერ რუსიშვილის კლასში, რომელთანაც მან ათწლედის წარმატებულად დამთავრების შემდეგ სახელმწიფო კონსერვატორიაში განაგრძო სწავლა. შემდგომ კი ქალაქ მიუნჰენის უმაღლეს მუსიკალურ სკოლაში ელისო ვირსალაძის ხელმძღვანელობით დაამთავრა ასპირანტურა.
ნინო პატარაობიდანვე იღებდა მონაწილეობას ეროვნულ და საერთაშორისო კონკურებში. მას მიღებული აქვს მრავალი ჯილდო, მათ შორის როგორც სართაშორისო პროგრამის "ახალი სახელების", ასევე ვლადიმირ სპივაკოვის საერთაშორისო ფონდის სტიპენდიები.
ნინო არაერთხელ იყო მიწვეული "თელავის საერთაშორისო ფესტივალზე", "ოლეგ კაგანის საერთაშორისო ფესტივალზე" ( კროიტი, გერმანია), "რურის საერთაშორისო ფესტვალზე" (დორტმუნდი, გერმანია), საერთაშორისო ფესტივალზე "საფორტეპიანო ზაფხული" (ვრანიე, სერბეთი), შოპენის საერთაშორისო ფესტივალზე "შოპენიადა" (ბელგრადი, სერბეთი) და სხვა მრავალზე. მას ჰქონდა გამოსვლები გამოჩენილ ორკესტრებსა და დირიჟორებთან ერთად. მათ შორის ნოვოსიბირსკის სახელმწიფო სიმფონიურ ორკესტრთან არნოლდ კაცის დირიჟორობით. ნინოს ქართული რადიო-ტელევიზიისთვის მრავალი ჩანაწერი აქვს გაკეთებული.
დღესდღეობით ნინო ცხოვრობს მიუნჰენში და ეწევა საკონცერტო მოღვაწეობას ევროპასა და აზიაში როგორც სოლისტად ასევე კამერულ ანსამბლებში. არის მიუნჰენის უმაღლესი მუსუკალური სკოლის დოცენტი. მას აქვს გამოსვლები ისეთ მნიშვნელოვან დარბაზებში როგორც არის მიუნჰენის ჰერკულესზალი, მაქს-იოზეფ ზალი და ასე შემდეგ. მუდმივი მონაწილეა საკონცერტო სერიის “კონცერტები სანთლის შუქზე”. მას მუდმივად იწვევენ საერთაშორისიფესტივალებზე,მასტერკლასებზედა კონკურსებზე ჟიურის წევრად.
ნინო 2019 წლიდან უკრავს ტრიოში ნილს ფრიდლთან (ვიოლინო) და იონას მერკადალთან (კლარნეტი) ერთად და არის ტრიოს დამფუძნებელი იონას
მერკადალთან ერთად.